САД ќе обезбедат 300 милиони долари дополнителна воена помош за Украина

АНКАРА (АА) - Портпаролот на американското Министерство за одбрана (Пентагон), Џон Кирби, истакна дека САД ќе ѝ обезбедат на Украина нова воена помош во вредност од 300 милиони долари, пренесува Агенција Анадолија (АА).

Како што наведува весникот „Вашингтон пост“, Кирби во разговор со новинарите ги изнел оценките за новата воена помош за Украина.

Кирби нагласил дека во рамките на напорите за зајакнување на украинската Војска, САД ќе ѝ обезбедат на Украина до 300 милиони долари воена опрема, вклучувајќи дронови, оклопни возила и митралези.

Додал дека одлуката за помош ја покажува непоколебливата посветеност на Соединетите Американски Држави (САД) на суверенитетот и територијалниот интегритет на Украина.

Американскиот Сенат на 11 март го одобри нацрт-буџетот што вклучува 13,6 милијарди долари помош за Украина, која е во војна со Русија.