Selçuk Acar
30 Јули 2017•Ажурирај: 31 Јули 2017
ЊУЈОРК (АА) - Американскиот режисер на документарни филмови Мајкл Мур и критичар на американскиот претседател, Доналд Трамп, излезе на сцената на Бродвеј со монодрамата за првиот човек на САД, јавува Anadolu Agency (AA).
Во театарот Беласко во Њујорк се одржа предпремиерата на монодрамата ”The Terms of My Surrender” напишана од оскаровецот Мур, познат по документарните филмови со политички и општествени теми.
Мур во претставата покажа дека тој не е противник на сите републиканци и го пофали сенаторот од Аризона, Џон Мекејн, кој се откажа од поддршка на Трамп кога станува збор за укинување на законот за здравствено осигурување воведено за време на поранешниот претседател на САД, Барак Обама.
„Претставата носи сатиричен поглед на политичката клима во земјата под администрацијата на Трамп“, вели Мур.
Претставата, чија премиера е планирана за 10 август, ќе се игра до 22 октомври.
Билетите за претставата од 90 минути ќе чинат меѓу 29 и 159 долари.
