Рускиот опозиционер Навалниј повторно притворен

МОСКВА

Рускиот опозициски активист и основач на „Фондот за борба против корупцијата“, Алексеј Навалниј, е повторно приведен, пренесува Anadolu Agency (АА).

Навалиј на својата социјална мрежа соопшти дека е приведен во утринските часови, кога излегувал од дома за утринско трчање.

Адвокатот на опозиционерот, Олга Михајлова, истакна дека Навалниј е притворен поради тоа што повторно учествувал на демонстрации кои немале дозвола.

Рускиот опозициски активист, Алексеј Навалиј, претходно беше осуден на 10-дневен затвор за учество во демонстрации за поддршка на опозицискиот новинар Иван Голунов.