Русија тврди дека започнала подготовки за воена вежба како одговор на западните провокации и закани

ИСТАНБУЛ (АА) - Русија денес соопшти дека започнала подготовки за воена вежба која го вклучува нестратегиското нуклеарно оружје на земјата, како одговор на, како што истакна, западните „провокации и закани“, пренесува Анадолу.

Во соопштението на руското Министерство за одбрана се наведува дека започнале подготовки за одржување вежба во блиска иднина со ракетни формации на Јужниот воен округ на земјата, со учество на авијацијата и морнарицата на земјата.

Потврдувајќи дека одржувањето на вежбата било наредено од рускиот претседател Владимир Путин, во соопштението се наведува дека нејзината целта е „да се зголеми подготвеноста на нестратегиските нуклеарни сили за извршување борбени мисии“.

„За време на вежбата ќе се спроведат низа активности за увежбување подготовка и употреба на нестратегиско нуклеарно оружје“, се наведува во соопштението.

Исто така, се истакнува дека вежбата има за цел да го обезбеди суверенитетот и територијалниот интегритет на Русија „како одговор на провокативните изјави и закани на одредени западни претставници против Руската Федерација“.