Романскиот премиер го критикуваше австрискиот канцелар за противењето на приемот на Романија во Шенген

АТИНА (АА) - Романскиот премиер Марсел Чолаку го критикуваше австрискиот канцелар Карл Нехамер за противењето на пристапувањето на Романија во Шенген-зоната, јавува романската државна новинска агенција Агерпрес, пренесува Анадолу.

Марсел Чолаку рече дека доколку Австрија продолжи да ја блокира Романија да стане дел од Шенген-зоната, ќе поднесе жалба до Европскиот суд на правдата и ќе побара од Европскиот совет, Европската комисија и Европскиот парламент да се вклучат.

„Европската комисија, Европскиот совет и Европскиот парламент препорачаа дека Романија го заслужува тоа десет години, таа ги исполнува апсолутно сите технички барања“, рече тој.

Тој додаде дека сѐ додека е премиер на Романија, нема да прифати дека канцеларот е лицемер и дека продолжува да ги понижува Романците и Романија.

Чолаку рече дека Австрија продолжила да купува нафта и гас во вредност од седум милијарди евра (7,4 милијарди долари) од Русија од почетокот на војната против Украина во февруари 2022 година.

„Од моја гледна точка, ова се пари што (рускиот претседател Владимир) Путин ги користи во руската економија за понатамошна поддршка на војната во Украина“, нагласи тој.