Путин ја надгледуваше воената вежба на руската морнарица на Црното Море

АНКАРА

Рускиот претседател Владимир Путин ја следеше воената вежба на руската морнарица на Црното Море, јавува Агенција Анадолија (АА).

Во соопштението од Кремљ е наведено дека Путин, вежбата на руската морнарица во која учествуваа Северната и Црноморската флота, ја набљудувал од палубата на рускиот ракетен крстосувач „Маршал Устинов“.

За време на вежбата, рускиот претседател имаше можност да ги набљудува и тестирањата на крстосувачките ракети „Калибар“ и на суперсоничниот проектил „Кинџал“.

Во воената вежба беа вклучени авионите ловци „Су-30“ и „Су-24“, потоа бомбардерите „Ту-95“, повеќе од 30 воени бродови, над 40 беспилотни летала и една подморница.