Путин и Меркел ќе се состанат во Москва наредната недела

МОСКВА

Рускиот претседател Владимир Путин ќе се состане со германската канцеларка Ангела Меркел во Москва наредната недела, соопшти Кремљ, јавува Агенција Анадолија (АА).

„Лидерите ќе дискутираат за развојот на билатералните односи, меѓународните и регионалните прашања на состанокот закажан за 20 август“, се вели во соопштението на Кремљ.

„Планирано е да се разговара за состојбата и перспективите за развој на билатералната соработка во различни области, како и да се разгледуваат голем број актуелни меѓународни и регионални прашања“, се вели во соопштението.

Тоа ќе биде прва средба лице в лице меѓу двајцата лидери од почетокот на пандемијата во декември 2019 година.