Пукање пред домот на поп-ѕвездата Ријана во Лос Анџелес, приведена една жена

АНКАРА (AA) – Жена истрелала неколку куршуми кон домот на поп-ѕвездата Ријана во Лос Анџелес вчера, додека пејачката се наоѓала таму, но нема информации за повредени, пренесува Анадолу.

Властите соопштија дека осомничената со возило се приближила до имотот, кој се наоѓа во непосредна близина на Беверли Хилс, и отворила оган користејќи пушка од типот „АР-15“, објави „Ен-би-си њуз“.

Полицијата потврди дека Ријана била дома во моментот на инцидентот.

Четири куршуми или фрагменти од куршуми погодиле делови од имотот, соопшти Полициската управа на Лос Анџелес.

Жената за која се верува дека е одговорна за пукањето била приведена кратко по настанот. Нејзиниот идентитет не е објавен.

Началникот на полицијата, Мајк Бланд, изјави дека дополнителни информации за осомничената, вклучувајќи ги и обвиненијата за кои се товари, ќе бидат објавени денес.

Според полицијата, пукањето било пријавено во 13:15 часот по локално време.

Ријана во домот заедно живее со хип-хоп артистот Ејсап Роки.

Властите наведоа дека засега не е познато дали Ејсап Роки или децата на двојката биле присутни во домот за време на инцидентот.

Претставниците на славната двојка не одговориле веднаш на барањата за коментар, објави „Ен-би-си њуз“.