ГАЗА (АА) - Голем број Палестинци денес протестираат во Појасот Газа, за да искажат солидарност со палестинските затвореници во затворите низ Израел, јавува Anadolu Agency (AA).
Собрани пред канцеларијата на Меѓународниот комитет на Црвената полумесечина, преку протестот имаат за цел да извршат меѓународен притисок врз Израел за ослободување на нивните блиски, затворени во затворите низ Израел.
„Се собравме тука за да покажеме солидарност со палестинските затвореници низ Израел“, истакна за АА Несрин Џабер, сестра на Махмуд Џабер, еден од затворениците.
Таа изјави дека затворениците живеат во тешки услови во центрите за притвор во Израел, со недостаток на облека и ќебиња.
Џабер ги повика организациите за човекови права да извршат притисок врз Израел со цел да им се дозволи на семејствата на палестинските затвореници да ги посетат своите синови.
Во меѓувреме, Здружението на палестински затвореници соопшти дека Израелската затворска служба запленила над 2.000 научни трудови и учебници од палестинските затвореници во затворот Хадарим во северен Израел.
„Ова е обид да се спречат затворениците да учат и да се стекнат со универзитетска диплома“, се вели во соопштението на невладината фондација.
Според палестинското Минстерство за затвореници, повеќе од 6.500 Палестинци (вклучувајќи околу 350 од блокираниот Појас Газа), се наоѓаат во центрите за притвор низ Израел.
