Премиерот на Грузија се заблагодари на Турција за поддршката за територијалниот интегритет на неговата земја

ТБИЛИСИ

Премиерот на Грузија, Иракли Гарибашвили, се заблагодари на Турција за поддршката за територијалниот интегритет на неговата земја и нејзината силна поддршка за интеграција во НАТО, пренесува Агенција Анадолија (АА).

Во писмено соопштение од Кабинетот на Владата на Грузија се истакнува дека премиерот Гарибашвили ја примил амабасадорката на Турција во Тбилиси, Фатма Џерен Јазган.

Во соопштението се истакнува дека на состанокот затворен за медиумите се разговарало за стратешкото партнерство и билатералната соработка меѓу двете земји.

За време на состанокот, премиерот Гарибашвили ѝ се заблагодарил на амбасадорката Јазган за поддршката од Турција за територијалниот интегритет на неговата земја и силната поддршка што ја дава Турција за интеграцијата во НАТО.

„Премиерот ѝ се заблагодари на дипломатката [Јазган] за поддршката од Турција за територијалниот интегритет на неговата земја и силната поддршка во интеграцијата на Грузија во евроатлантските структури“, се вели во соопштението.

Меѓу другото, во изјавата се наведува дека се разговарало за соработката на двете земји во борбата против епидемијата на Ковид-19.

„За време на средбата се разговараше и за економската соработка. Заедничките регионални проекти се примери за ефективно стратешко партнерство меѓу Грузија и Турција и за силната соработка“, се додава во соопштението.