Adam Abu-bashal
12 Октомври 2020•Ажурирај: 13 Октомври 2020
АБУЏА
Поројните дождови во Нигерија предизвикаа поплави во кои животот го загубија 131 лице, известува Агенција Анадолија (АА).
Мустафа Умар, директорот на нигериската Агенција за управување со итни случаи (СЕМА) за федералната држава Сокото, ги информираше новинарите дека поројните дождови што сè уште траат во земјата предизвикале смрт на уште 36 лица.
Од минатиот месец досега, во поплавите што ја зафатија целата земја животот го загубија 131 лице.
Умар соопшти дека 302.500 хектари обработливо земјиште е поплавено.
Тој рече дека земјата започнала активности и напори заедно со СЕМА на поплавеното население да му испрати помош.
Поројните врнежи од дожд на ниво на целата територија од Нигерија предизвикаа поплави, кои без дом оставија илјадници лица, а десетици илјади хектари земја се поплавени.
Со почетокот на јуни, во Западна Африка започнува периодот на врнежи кои траат до септември.
Оваа година катастрофални поплави ги зафатија земјите од регионот, како што се Буркина Фасо, Нигер и Сенегал.
