Поплави и свлечишта во Кенија одзедоа 219 животи

АБУЏА

Во источноафриканската држава Кенија поројните дождови предизвикаа поплави и свлечишта во кои бројот на починати се искачи на 219, јавува Агенција Анадолија (АА).

Секретарот на Кабинетот на министерството за револуција на Кенија Иџин Вамалва во изјавата за медиумите информираше дека поројните врнежи од дожд кои продолжуваат да делуваат во земјата предизвикале поплави и свлечишта во кои последните 24 часа животот го загубиле уште 25 лица.

Вамалва рече дека со последните настрадани, вкупниот биланс на смртни случаи се зголемил на 219, а голем е и бројот на исчезнати лица.

Информирајќи дека повеќе од 58.000 лица се раселени поради катастрофата, Вамалва рече дека потопени се 1.586 куќи, а 3.300 декари земја се оштетени.

Вамалва соопшти дека владата изградила привремен камп и испратила хуманитарна помош за поплавените.