Полска: Папата Фрањо се состана со преживеаните од Аушвиц

ОСВИЕЧИМ (AA) – Папата Фрањо се состана со неколку преживеани од концентрациониот логор Аушвиц, во текот на историската посета на спомен-местото на југот од Полска, јавува Anadolu Agency (AA).

Папата одеше од еден до друг човек, застана кај секого, ги зема за раце и ги бакна во двата образа. Една жена му ја бакна раката, а папата издвои време за да размени неколку зборови со преживеаните.

Потоа зеде голема бела свеќа, ја запали и ја стави на sидот на смртта, местото на кое се помоли за погубените логораши. Потоа отиде во една од мрачните затворски ќелии и се помоли за жртвите.

Папата Фрањо својата посета на злогласниот нацистички логор ја започна со пронаоѓањето на мрачниот натпис „Работата ослободува“ (Arbeit macht frei), кој се наоѓа на влезот во Аушвиц.