Хамас: За време на посетата на Москва се разговараше за израелските прекршувања и меѓународните прашања

ГАЗА (АА) - Членот на Политичкото биро на Хамас, Муса Ебу Мерзук, истакна дека за време на нивната посета на Русија разговарале за израелските прекршувања во Ерусалим, Западниот Брег и Појасот Газа, пренесува Агенција Анадолија (АА).

Во објавата на својот профил на социјалната мрежа Твитер, Ебу Мерзук даде информации за дводневната посета на делегацијата на Хамас на Москва.

„Делегацијата на Хамас разговараше за нападите на Израел во Ерусалим и опасните последици од нападите, како и за прекршувањата на Западниот Брег и Газа“, рече Ебу Мерзук, додавајќи дека делегацијата разговарала и за регионални и меѓународни прашања.

Истакнувајќи дека двете страни „нагласиле дека не го прифаќаат индивидуалниот пристап на САД во меѓународните одлуки“, Ебу Мерзук додаде: „Посетата на руските пријатели со цел зајакнување на билатералната соработка и координација беше плодна.“

Хамас во средата, на 4 мај, соопшти дека делегација предводена од Муса Ебу Мерзук ја посетила Москва за да разговара за најновите случувања во Палестина.