Познатата лондонска улица Ковентри по трет пат украсена за Рамазан

ЛОНДОН (АА) - Улицата Ковентри, која се протега од раскрсницата на Пикадили серкус, која се смета за центар на градот, до плоштадот Лестер, по трет пат е украсена по повод месецот Рамазан, известува Анадолу.

„Среќен Рамазан“ беше испишано со светилки на улицата украсена во соработка со „Фондацијата Азиз“ и градот Лондон.

Пред да се запалат рамазанските светла на улицата, децата во Лондон одржаа рамазанска парада со светилки.

Садик Кан, градоначалникот на Лондон, го вклучи копчето со кое беше осветлена улицата по повод Рамазан. Во својот говор Кан рече дека Лондон претставува светилник на надеж, бидејќи се спротивставува на сите форми на омраза, покажувајќи почит кон различноста.

Потсетувајќи дека Лондон е првиот град во западните земји што постави рамазански украси, Кан рече:

„Овие светла се противотров на исламофобијата, антисемитизмот и сите видови омраза.“

Кан ги замоли сите овој Рамазан да се потсетат на лошите денови во Газа, Судан и Украина.

Рамазанските светла ќе ја осветлуваат улицата Ковентри до 29 март. Рамазанското осветлување, подготвено со употреба на приближно 31.000 ЛЕД-сијалички, ќе биде вклучено секоја вечер од 17:00 до 1:00 часот.

Улицата за прв пат беше украсена во 2023 година.