Повеќе од 300 загинати во поплавите што ја зафатија Кина

ПЕКИНГ

Во поплавите предизвикани по поројните врнежи од дожд, што неодамна ја зафатија кинеската провинција Хенан, смртно настрадаа најмалку 302 лица, а 50 се водат како исчезнати, известува Агенција Анадолија (АА).

Поголемиот дел од жртвите, 292, настрадале во подрачјето Џенгџоу, главниот град на кинеската провинција Хенан. Останатите 10 лица настрадале во други градови.

Врнежите од дожд на 20 јули предизвикаа поплави низ целата провинција Хенан. Во Џенгџоу поплавена е метро мрежата, а голем број патници беа заробени, од кои 14 смртно настрадаа.