Пет студенти починаа паѓајќи од четвртиот кат на универзитет во Боливија

БОГОТА

Во јужноамериканската држава Боливија пет студенти ги загубија животите, а тројца се повредени поради паѓање од четвртиот кат откако се урнала заштитната ограда на еден државен универзитет, пренесува Агенција Анадолија (АА).

Според вестите објавени во боливиските медиуми, за време на настан, што се одржувал во студентскиот центар, се скршила заштитната ограда од четвртиот кат на еден универзитет.

При уривањето на заштитната ограда, од четвртиот кат паднале 8 студенти, од кои пет ги загубиле своите животи, а тројца се повредени и префрлени во болница, каде што трае нивниот болнички третман.

Претставниците на власта соопштија дека е започната истрага во врска со настанот.