Пентагон: „Вагнер во суштина е готов“

АНКАРА (АА) - Портпаролот на Пентагон, бригадниот генерал Патрик Рајдер, изјави дека смртта на Јевгениј Пригожин, основачот на Вагнер, во суштина е крај на групата, известува Анадолу.

Новинарите на редовниот брифинг, потсетувајќи на обвинувањата изнесени минатата година дека Северна Кореја ѝ продала оружје на групата Вагнер, го запрашаа Рајдер дали верува дека зделката за оружје меѓу Северна Кореја и Вагнер е готова.

Рајдер, потсетувајќи на смртта на основачот на Вагнер, Јевгениј Пригожин, рече: „Тука се работи за тоа дека групата Вагнер во суштина е готова. Затоа, можам да кажам дека преговори нема.“

Зборувајќи дека Вагнер некое време бил највлијателен фактор на теренот во руско-украинската војна, Рајдер додаде: „Русија се обидува да купи муниција и оружје од тиранските режими, како што се Иран и Северна Кореја.“

Рајдер го повтори повикот до Северна Кореја да не ѝ продава оружје на Русија.