Париз: Ајфеловата кула беше евакуирана денес поради проблеми со електричната енергија

АНКАРА (АА) - Познатата париска Ајфелова кула беше евакуирана денес поради безбедносни причини по проблеми со електричната енергија, јавија локалните медиуми, пренесува Анадолу.

Краток спој се случил на една од електричните шини за лифтовите на кулата. Тоа го потврдија од компанијата СЕТЕ.

Техничкиот проблем се случил помеѓу вториот кат и врвот на кулата, при што бил вклучен противпожарен аларм.

Обезбедувањето ги евакуирало сите луѓе од Ајфеловата кула, а пожарникарите и единиците за техничко одржување на кулата ги истражуваат причините за краткиот спој.

Се очекува до крајот на денот да се реши проблемот, и Ајфеловата кула повторно да биде отворена за посетителите.