Палестина го осуди израелскиот претседател Херцог кој влезе во џамијата „Ибрахим“ во Хеброн

РАМАЛА

Палестинскиот премиер Мухамед Иштије го осуди влегувањето на израелскиот претседател Исак Херцог во џамијата „Харем-и Ибрахим“ во градот Хеброн во окупираниот Западен Брег, пренесува Агенција Анадолија (АА).

Во писмена изјава, Иштије напиша: „Ние сме лути поради рацијата на Херцог во џамијата Ибрахим.“

Предупредувајќи на опасноста од последиците, Иштије ги отфрли и тврдењата на Херцог дека Евреите имале историски права во градот Хеброн.

Иштије додаде дека изјавите на Херцог имале за цел дополнително да ги зајакнат лажните факти во врска со муслиманскиот арапски град, за подготовките за јудаизација на градот и контролата.

Осврнувајќи се на фактите за луѓето што живеат во градот Халил, Иштије нагласи дека неговиот народ бил изложен на етничка дискриминација и чистење и дека од главните жители на античкиот град е побарано да се потчинат на режимот на апартхејдот.

Во израелските медиуми беше објавено дека претседателот Херцог ја посетил џамијата „Харем-и Ибрахим“ во Хеброн во неделата, 28 ноември, за да учествува на еврејските прослави „Празник на светлината“.

Џамијата „Харем-и Ибрахим“ на 25 февруари 1994 година за време на утринската молитва беше нападната од страна на Барух Голдштајн, жител на илегалната еврејска населба Кирјат Ерба во градот Ел Халил и член на екстремната ционистичка терористичка организација.

Дваесет и девет Палестинци ги загубија животите, а повеќе од 150 се повредени во нападот, кој влезе во историјата како „масакрот во џамијата Ал-Харем (Харем-и Ибрахим)“.