Во ЕУ емисијата на стакленички гасови се зголеми во вториот квартал

БРИСЕЛ

Емисиите на стакленички гасови на земјите од Европската Унија (ЕУ) се зголемени за 18 отсто во вториот квартал од оваа година во споредба со истиот период лани, пренесува Агенција Анадолија (АА).

Европскиот завод за статистика (Евростат) ги соопшти податоците за емисиите на стакленички гасови во ЕУ во вториот квартал од 2021 година.

Според тоа, ЕУ ослободи вкупно 867 милиони тони емисии на јаглерод во вториот квартал.

Емисиите на стакленички гасови се зголемени за 18 отсто во вториот квартал од 2021 година во споредба со истиот период минатата година.

Зголемувањето се должи на забрзувањето на закрепнувањето по забавувањето на економската активност поради Ковид-19 во вториот квартал од 2020 година.

Во вториот квартал од годината, 34 отсто од емисиите на стакленички гасови потекнуваат од производството и градежништвото, 19 отсто од производството на електрична енергија, 14 отсто од земјоделството, 8 отсто од транспортните услуги и 8 отсто од останатите други услуги.