Çağrı Koşak
05 Ноември 2023•Ажурирај: 06 Ноември 2023
ИСТАНБУЛ (АА) - Билансот на загинатите во бруталните израелски напади во Појасот Газа е зголемен на 9.770 лица, од кои 4.800 се деца, а 2.500 се жени, известува Анадолу.
Портпаролот на Министерството за здравство на Палестина, Ашраф ал Кудра во своето обраќање пред новинарите во болницата Ал Шифа рече дека во израелските напади на Појасот Газа во изминатите 24 часа се убиени најмалку 270 лица, со што вкупната бројка на загинати од почетокот на израелските бомбардирања на 7. октомври е зголемен на 9.770.
Кудра информираше дека меѓу убиените најмалку 4.800 се деца, а 2.550 се жени.
Ал Кудра истакна дека 70% од жртвите во израелските напади на Појасот Газа се жени, деца и стари лица.
Тој додаде дека под урнатините на зградите во Газа за исчезнати се водат најмалку 2.660 луѓе, од кои 1.270 се деца.
„Израел спроведува геноцид и етничко чистење во Газа веќе 30 дена. Болниците во Газа нема да можат да даваат услуги за неколку часа“, предупреди Ал Кудра.
Нагласувајќи дека ќе треба да се обезбеди сигурен премин на хуманитарна помош и гориво во Газа, Ал Кудра наведе дека Израел лажел за безбеден премин на помошта.
Тој истакна и дека Палестинците ранети во израелските напади веќе три дена не можат да бидат префрлени во болниците во Египет.
