ГАЗА (AA) – Во сивилото на населбата Шејх Радван во Газа, Бассeм ал-Гафари се обидува да врати дел од својот поранешен живот. По професија бербер, тој денес работи на импровизирана станица поставена врз урнатините од својот некогашен дом и дуќан, уништени во војната, јавува Анадолу.

Откако бил раселен неколку пати, Ал-Гафари се вратил и затекнал само остатоци. Со алатот извлечен од урнатините и столица поставена под оштетениот плафон, тој продолжува да работи за да обезбеди храна за своите две мали ќерки.

И покрај опасните услови, соседите го посетуваат, барајќи краток момент на нормалност и достоинство среде разурнувањето.

Стотици илјади Палестинци во Појасот Газа живеат во шатори и привремени засолништа поради недостиг од безбедни услови, откако израелската двегодишна војна уништи цели населени области и предизвика масовно раселување.

Повеќето шатори се небезбедни, а недостигот од струја и гориво го зголемува ризикот од пожари.

Од октомври 2023 година, израелската Армија уби повеќе од 71.000 лица, главно жени и деца, а над 171.000 се повредени во Газа.