Најмалку 51 Либанец се убиени во денешните напади на Израел

БЕЈРУТ (АА) - Бројот на убиени се зголеми на 51, а повредени се 223 Либанец во воздушните напади што израелската армија ги изведе денеска во различни региони на Либан, известува Анадолу.

Во својата изјава, либанскиот министер за здравство Фирас ал-Абјад информираше за нападите на Израел и оние кои мигрирале поради овие напади.

Министерот ал-Абјад соопшти дека во денешните напади на Израел убиени се 51 лице, а 223 се повредени.

Посочувајќи дека стотици илјади луѓе морале да мигрираат поради постојаните напади на Израел, ал-Абјад рече дека 40.000 луѓе се сместиле во центрите за раселени лица.

Посочувајќи дека ја започнале својата работа за да ги задоволат потребите на болните од рак и хроничните пациенти во центрите за раселени лица, министерот ал-Абјад рече дека се обидуваат да обезбедат значително количество млеко за бебињата во овие центри.

Министерот ал-Абјад​​​​​​​ ги замоли пациентите кои се сместени во центрите за раселени лица, да ги контактираат во случај на итни потреби.

Либанскиот функционер нагласи дека се загрижени за здравствената состојба на луѓето погодени од израелските напади, особено оние со хронични заболувања.

Врз основа на последните информации, бројот на убиени Либанци во нападите што Израел ги спроведува од 23 септември се зголеми на 609.