ИДЛИБ (АА) – Најмалку пет лица загинаа, а 63 други се повредени во повеќекратни експлозии што се случија денес во магацин за оружје во покраината Идлиб, северна Сирија, известува Анадолу.

Околу 15 експлозии се случија од непознати причини во магацин за оружје и муниција во градот Кафрија, во северната рурална област на Идлиб, информираа локални извори.

Здравствени службеници соопштија дека повредените се префрлени во најблиските болници.

Од експлозиите се оштетени и блиските објекти.