Најмалку 21 лице загинаа во автобуска несреќа во близина на Венеција

РИМ (АА) - Најмалку 21 лице загинаа, а 12 се повредени откако синоќа автобус падна од надвозник во близина на Венеција, соопшти локалната полиција, јавува Анадолу.

„Автобусот беше полн со луѓе кои се враќале од работа од историскиот центар на Венеција до блискиот кварт Местре“, изјави градоначалникот на Венеција, Луиџи Бруњаро, за националната телевизија РАИ.

„Излета од патот и падна близу пругата во Местре“, изјави Бруњаро.

„Глетката е апокалиптична. Јас сум без зборови“, напиша градоначалникот на платформата Х.

Властите известија дека уште четири до пет лица се водат како исчезнати.

„Моите мисли се кон жртвите и нивните семејства и пријатели“, изјави премиерката Џорџа Мелони.