Serkan Kaya
12 Јули 2023•Ажурирај: 14 Јули 2023
ВИЛНУС (АА) – Турскиот претседател Реџеп Таип Ердоган денес, на маргините на Самитот на НАТО во Вилнус, главниот град на Литванија, се сретна со шпанскиот премиер Педро Санчез, јавува Анадолу.
Состанокот зад затворени врати се одржа во Литванскиот изложбен и конгресен центар (LITEXPO), каде што се одржува и дводневниот состанок на лидерите на НАТО што започна вчера.
На состанокот присуствуваа и делегациите од двете земји. Турската делегација ја сочинуваа министерот за надворешни работи Хакан Фидан, директорот за комуникации Фахретин Алтун и Акиф Чагатај Килич, главен советник на претседателот Ердоган.
На денешниот состанок 31 лидер на земјите членки на НАТО ќе разговараат за војната во Украина, членството на Шведска во НАТО и чекорите за зајакнување на одбраната и одлучноста, како и за други теми.
Туркије е членка на НАТО-алијансата повеќе од 70 години и може да се пофали со втора по големина армија во Алијансата.
