Мексико: Вооружени напаѓачи упаднале во хотел и убиле 2 лица

БОГОТА

Вооружени напаѓачи упаднаа во хотел во мексиканската држава Квинтана Ро и убија две лица, а еден турист е ранет, пренесува Агенција Анадолија (АА).

Според вестите што ги објавија мексиканските медиуми, вооружени лица упаднале во туристички хотел во крајбрежниот град Канкун.

Напаѓачите со два камиони упаднале во хотелот и убиле две лица што се наоѓале на плажата, а потоа полесно раниле еден турист.

Според изјавите на очевидците, вооружените лица по нападот побегнале од плажата со чамец.

На снимките објавени на социјалните мрежи, може да се забележи дека при нападот, туристите и вработените во хотелот кои многу се исплашиле, легнале на земја пред заканата.

Државното правобранителство соопшти дека е подигната истрага во врска со инцидентот.