Ekipa
21 Април 2022•Ажурирај: 22 Април 2022
ПАРИЗ (АА) - Претседателот на Франција, Емануел Макрон, ја предупреди својата екстремно десничарска противкандидатка Марин Ле Пен дека ќе ја доведе Франција на работ на граѓанска војна доколку воведе забрана за исламската марама или хиџабот, доколку победи на претседателските избори во Франција, пренесува Агенција Анадолија (АА).
„Со мене, нема да има забрана за марами, јармулки и религиозни знаци“, рече Макрон за време на телевизиската дебата која беше отворена со цел да се убедат милионите гласачи да гласаат во нивна корист во вториот и последен круг од изборите на 24 април.
На дебатата преовладуваше и екстремно десничарскиот дискурс кој доминира во кампањата.
Ле Пен рече дека има намера да ги ослободи муслиманските жени од униформата наметната од „исламистите“ со забрана на носење марама на јавни места. Макрон се спротивстави на предложената забрана, велејќи дека таа е неуставна и ќе создаде граѓанска војна. Тој рече дека Законот за секуларизам од 1905 година не е за „борба против религијата“.
Ле Пен за возврат го нападна Макрон за создавање неединство и поделба на француското општество за време на неговите пет години на власт. Таа со нејзиниот проекти инсистира на „давање приоритет на Французите во нивната земја“, што таа имаше за цел да го постигне со воведување референдум на граѓанска иницијатива и други реформи за подобрување на секојдневниот живот на граѓаните. Ле Пен годореше за воспоставување јавен референдум за темата на имиграцијата за да се реши проблемот со „анархијата и масовната имиграција“ и да се создаде европски „Гугл“ за приватност на податоците.
За Макрон, овие избори се клучни, не само затоа што се борба на идеологии, туку и како „референдум за тоа за што Французите се длабоко „за“ или „против““. Изборите ги смета како гласање за останување или напуштање на Европската Унија, за односите на Франција и Германија, еколошките прашања, братството и секуларизмот.
- Поделби во врска со Европа -
Ле Пен, кандидатката на Партијата на национално единство, ја отвори дебатата, уверувајќи дека ќе се врати хармонијата меѓу сите Французи и го нападна Макрон за неговите економски неуспеси за време на петгодишниот мандат, фокусирајќи се на куповната моќ, невработеноста, данокот за зголемување на горивото што ги поттикна протестите на „Жолтите елеци“ и задолжување од 600 милиони евра преку пакетот за закрепнување на бизнисите за време на пандемијата на коронавирусот.
„Само Французи ми кажуваат дека повеќе не можат, дека повеќе не можат да врзат крај со крај“, рече таа, нарекувајќи го Макрон „Моцарт на финансиите кој има многу лошо економско досие“.
За возврат, Макрон ги нападна слабите позиции на Ле Пен - Русија и Европската Унија - и ја обвини дека зависи од Русија и претседателот Владимир Путин за финансирањето на нејзината партија преку заем од повеќе милиони евра од чешко-руска банка во 2017 година.
Тој рече дека сака да се погрижи војната во Украина да не се прошири и дека тоа е остварливо само со „силна Европа“, која може да ја освести Русија, истакнувајќи дека тие не се ничии вазали.
Ле Пен го оспори Макрон за зајакнување на Европа и тврдеше дека Франција не е во состојба да ги брани своите интереси штом е дел од политиките на Европската Унија. Додека Ле Пен најави напуштање на одредени договори на ЕУ и дава предност на француските закони, Макрон вети дека ќе работи заедно со ЕУ.
Двајцата кандидати се судрија и за возраста за пензионирање - Макрон сака да ја продолжи од 62 на 65 години за финансирање на мерките за социјално осигурување и здравствена заштита за старите лица.
За обновливите извори на енергија, Ле Пен сака да ги расклопи сите ветерни турбини.
Настанот беше организиран од телевизиските канали ТФ1 и „Франс 2“. Последната анкета на „Ипсос“ предвиде водство за Макрон со 56 отсто наспроти 44 отсто за Ле Пен.
