Маж застрелан од полицијата пред болница во Австралија

ИСТАНБУЛ (АА) - Австралиската полиција денес застрела маж пред болница во источниот град Тари, пренесува Анадолу.

Маж, на околу 30-годишна возраст, наводно вперил пиштол кон полицајци на паркингот на болницата „Менинг“ во Нов Јужен Велс, јави „Еј-би-си њуз“.

Полицијата била повикана по наводите дека маж пукал во воздух на улицата „Роус“ во Вингам, според веста.

На машко лице му била укажана прва помош откако бил застрелан и итно пренесен во болница, каде што починал.

Надлежните ќе започнат независна истрага за одговорност за инцидентот.