Лидерката на екстремно десничарската партија Ле Пен ќе го забрани носењето шамија доколку биде избрана за претседател

АНКАРА (АА) - Во Франција, каде што првиот круг од претседателските избори ќе се одржат на 10 април, Марин ле Пен, лидерката на крајнодесничарската партија за Национално единство и претседателски кандидат, изјави дека сака да го забрани носењето шамија доколку биде избрана за претседател, пренесува Агенција Анадолија (АА).

Ле Пен во програма на телевизија „БФМ ТВ“ на која учествуваше рече: „Сакам да го забранам носењето шамија на јавните места.“

Ле Пен исто така истакна дека сака да ја прошири забраната за носење шамија во училиштата и да ја прошири на јавните места, а исто така рече дека ќе одржи и референдум за забрана на имиграцијата.

– Земур со ветување дека ќе депортира 1 милион бегалци

Другиот претседателски кандидат на екстремната десница, Ерик Земур, исто така рече дека ќе депортира 1 милион бегалци од Франција доколку биде избран.

Земур на програмата на која присуствуваше на „Франс инфо“ наведе дека претседателот Емануел Макрон донел 2 милиони бегалци во земјата за време на неговиот петгодишен мандат.

„Јас ќе депортирам 1 милион нелегални, криминални странски баратели на азил“, рече Земур, ветувајќи дека ќе им го одземе француското државјанство на криминалците со двојно државјанство.