Кина: Забележан првиот случај на птичји грип кај човек

ПЕКИНГ (АА) - Во кинеската покраина Ѓангсу е забележан првиот случај на птичји грип (H10N3) кај човек, пренесува Агенција Анадолија (AA).

Националната здравствена комисија на Кина соопшти дека вирусот е откриен кај 41-годишен маж.

Во соопштението се наведува дека заразеното лице од 23 април имало неколку симптоми на болеста, меѓу кои и покачена температура, и дека на 28 април се обратило во локалната здравствена установа.

Се истакнува дека при обемната генетска анализа на вирусот потврдено е дека станува збор за птичји грип.

Се наведува дека H10N3 е вирус чија вирулентност кај живината е ниска и дека постои мала можност за негово ширење.