Кина: 18 лица загинаа во поплави, 2.000 спасувачи се на терен

ПЕКИНГ (АА) – Најмалку 18 лица загинаа, а 13 се водат како исчезнати во поројните поплави предизвикани од обилните дождови во северозападна Кина, пренесува Агенција Анадолија (АА).

„Повеќе од 2.000 лица од цивилната одбрана спроведуваат операции за спасување и помош за ранливото население во провинцијата Кингхаи“, објави државната телевизија ЦГТН (CGTN).

Околу 20 луѓе беа спасени откако силниот дожд предизвика поплави во два града во округот Датонг во средата и четвртокот вечерта.

Повеќе од 6.200 жители на околните села беа погодени од поплавите, кои предизвикаа големи штети на имотот и инфраструктурата.