Карневалот во Венеција, натпревар за најдобар костим и маска

ВЕНЕЦИЈА (АА) - Во текот на викендот, во рамките на традиционалниот карневал во Венеција се одржа натпревар за најдобар костим и маска, кој како и секоја година, привлече голем број натпреварувачи, јавува Anadolu Agency (AA).

Карневалот кој е еден од најпопуларните во Европа, оваа година започна на 11. февруари, а ќе заврши во вторник, на 28. февруари.

Натпреварот се одржа на плоштадот „Свети Марко“, а во Венеција дојдоа учесници од целиот свет.

Голем број домашни и странски туристи имаа можност да уживаат во шарените костими и маски.

Во рамките на Венецијанскиот карневал се одржуваат повеќе од 60 манифестации, меѓу и раскошни балови, коктели и други забави.

Туристите за време на карневалот имаа можност маскирани да прошетаат низ градот и да се фотографираат.

Првиот пишан документ за Карневалот под маски во Венеција датира од 13. век.