Истанбул: Во рамките на операција против ДЕАШ уаспено лице кое планирало напад

ИСТАНБУЛ (AA) - Во Истанбул во рамките на операциите против терористичката организација ДЕАШ уапсено е лице кое планирало да изведе напад, јавува Anadolu Agency (AA).

Единица за борба против тероризмот по сознанија за можни „бомбашки и оружени напади на синагоги и цркви" покренала акција во која го привела лицето со иницијали С.М., поврзано со ДЕАШ.

Ова лице, според сознанијата на разузнавачките структури, добило наредба да изведе напади на синагоги и цркви.

Осомниченото лице е уапсено во акција спроведена на 17 март во истанбулската општина Сисли.

Притоа, запленет е дигитален материјал и документи на терористичката организација ДЕАШ.