Ali Makram Ghareeb
05 Јуни 2022•Ажурирај: 06 Јуни 2022
КИРКУК (АА) - Силите на ирачката Војска приведоа 38 милитанти од терористичката организација ДЕАШ, известува Агенција Анадолија (АА).
„Во текот на рацијата во Киркук запленето е големо количество оружје и муниција“, изјави за Агенција Анадолија Али ал-Фариј, шефот на оперативната команда во Киркук, главниот град на истоимената ирачка провинција, што се наоѓа на 250 километри северно од главниот град Багдад.
Безбедносните сили уништиле и осум магацини кои ѝ припаѓаат на терористичката организација ДЕАШ.
Нападите за кои се обвинети терористите на ДЕАШ ескалираа во Ирак во последните неколку месеци, особено во провинциите Салахудин, Дијала и Киркук.
Терористичката организација ДЕАШ ја презеде контролата во провинциите Мосул, Салахудин и Анбар во јуни 2014 година и делови од провинциите Дијала и Киркук, но ирачката власт ја врати контролата над тие подрачја.
Поранешниот премиер Хајдер ал-Абади прогласи победа над ДЕАШ на 9 декември 2017 година.
Иако изминаа 5 години оттогаш, терористичката група продолжува да изведува напади врз руралните подрачја во провинциите. Ирачката Војска спроведува чести операции против оваа терористичка организација.
