Градоначалникот на Киев, Кличко, објави дека градот е бомбардиран

КИЕВ (АА) - Градоначалникот на Киев, Виталиј Кличко, изјави дека руските сили извршиле ракетни напади врз Дњепровскиот и Дарничкиот Округ во украинската престолнина, известува Агенција Анадолија (АА).

Кличко на својот профил на социјалната мрежа Телеграм објави дека руските сили ја бомбардирале инфраструктурата во Дњепровскиот и Дарничкиот Округ.

„Нема жртви во ракетните напади на инфраструктурните објекти. Едно повредено лице е хоспитализирано“, соопшти градоначалникот на Киев.

Влезовите на локациите каде што се извршени нападите се затворени од страна на украинските безбедносни сили.