Muhammet Kurşun
05 Јули 2020•Ажурирај: 06 Јули 2020
ТЕХЕРАН (АА) - Иранскиот министер за надворешни работи, Мухамед Џавад Зариф, рече дека Соединетите Американски Држави (САД) вршат притисок врз пријателите на Иран, пренесува Агенција Анадолија (АА).
Зариф во Собранието одговараше на прашањата на пратениците во врска со надворешната политика на земјата.
Истакнувајќи дека во регионот имаат многу добри односи со Турција, Русија, Азербејџан, Ирак и Пакистан, Зариф нагласи: „САД сакаат да наметнат економска војна. Вршат притисок врз пријателите на Иран.“
Тој нагласи дека процесот од Астана, создаден од Турција, Русија и Иран, е единствената иницијатива која овозможува мир во Сирија.
Коментирајќи во врска со иранскиот генерал Касим Сулејмани, кој беше убиен од САД, Зариф рече дека во регионот работеле во координација со Сулејмани.
„Соединетите Американски Држави не признаваат либерали, реформисти, конзервативци, револуционери и антиреволуционери. Таков е и Израел. Тие се против Иран. САД [во Иран] имаат за цел да го неутрализираат системот и да го одделат народот од Владата“, нагласи Зариф.
