ТЕХЕРАН/ИСТАНБУЛ (АА) – Најмалку 56 воени лица се убиени во неодамнешните израелски напади врз Иран, соопшти денес иранската војска, пренесува Анадолу.

Во соопштението на војската се вели дека загинатите лица биле со различни чинови, без да се дадат дополнителни детали.

Дванаесетдневниот конфликт меѓу Израел и Иран избувна на 13 јуни откако Тел Авив започна воздушни напади врз иранските воени, нуклеарни и цивилни објекти, во коишто загинаа најмалку 606 лица, а 5.332 се повредени, според Министерството за здравство на Иран.

Техеран започна одмазднички ракетни и напади со беспилотни летала врз Израел, во коишто загинати се најмалку 29 лица, а над 3.400 се повредени, според бројките објавени од Еврејскиот универзитет во Ерусалим.

Конфликтот беше запрен со прекин на огнот со посредство на САД, што стапи на сила на 24 јуни.