ВАШИНГТОН (АА) – Американскиот претседател Доналд Трамп денес соопшти дека Соединетите Американски Држави (САД) ги прекинуваат трговските разговори со Канада во врска со данокот на дигитални услуги што земјата го воведува врз технолошките компании, јавува Анадолу.

„Врз основа на овој скандалозен данок, со ова ги прекинуваме СИТЕ разговори за трговија со Канада, што стапува на сила веднаш“, порача Трамп и додаде:

„Во рок од следните седум дена ќе ја известиме Канада за тарифата што ќе ја плаќа за бизнис со Соединетите Американски Држави“, истакна Трамп на „Трут сошал“.