Трамп соопшти дека наскоро ќе испрати писмо за информирање на земјите за царинските стапки
- „Во одреден момент, во текот на следната недела и половина, или можеби порано, ќе испратиме писмо; разговаравме со многу од земјите и само ќе им кажеме колку треба да платат за бизнис-соработка во Соединетите Американски Држави“
ВАШИНГТОН (АА) – Американскиот претседател Доналд Трамп денес изјави дека во текот на следната недела и половина ќе испрати писмо со кое ќе ги информира земјите за американските царински стапки што ќе треба да ги плаќаат, јавува Анадолу.
„Во одреден момент, во текот на следната недела и половина, или можеби порано, ќе испратиме писмо; разговаравме со многу од земјите и само ќе им кажеме колку треба да платат за бизнис-соработка во Соединетите Американски Држави“, изјави Трамп пред новинарите во Белата куќа.
„САД се во процес на склучување трговски договори со неколку други земји, меѓу кои и Индија“, рече Трамп.
Кога беше прашан за трговскиот рок, 9 јули, тој рече дека тоа не е фиксен датум.
„Можеме да правиме што сакаме. Можеме да го продолжиме. Можеме да го скратиме. Би сакал да го скратам. Би сакал само да им испратам писма на сите: „Честитки. Плаќате 25 %“, додаде тој.
„САД собраа 88 милијарди долари од царини“, рече Трамп.
На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.
