Иран призна дека има 210 килограми од 20% збогатен ураниум

ИСТАНБУЛ

Иран во петокот соопшти дека неговите резерви од 20% збогатен ураниум достигнале 210 килограми, јавува Агенција Анадолија (АА).

Иранските полуофицијални новински агенции „Тасним“ и „Фарс“ го цитираа портпаролот на Агенцијата за атомска енергија на земјата, Бехруз Камалванди, кој рече дека количината е поголема од 120 килограми од 20% поставени од страна на Парламентот за да бидат произведени.

Камалванди додаде дека Агенцијата произвела 25 килограми од 60% збогатен ураниум, ниво што само државите со нуклеарно оружје го користат.

Ураниумот збогатен до 90% може да биде користен за да се развие нуклеарно оружје, но Иран постојано повторува дека програмата е само за граѓански цели.

Според нуклеарниот договор од 2015 година помеѓу Иран и светските сили, на Техеран му беше дозволено да го збогати ураниумот до ниво што нема да надмине 3,67%.

Во јануари, претставникот на Агенцијата за атомска енергија на Иран рече дека државата ја разгледува потребата да го зголеми збогатувањето на ураниумот на ниво поголемо од 20% и нагласи дека Техеран има потенцијал да го збогати ураниумот до ниво што може да достигне до 90%.

Европската Унија, Соединетите Американски Држави и Иран во средата објавија дека нуклеарните разговори ќе продолжат на 29 ноември во Виена.

Разговорите имаат за цел да го обноват нуклеарниот договор од 2015 година што беше поништен од страна на поранешниот американски претседател Доналд Трамп во мај 2018 година, како и да го доведат Иран до усогласеност со меѓународните залагања во однос на неговата програма.