Иран не сака конфликт со Велика Британија

АНКАРА

Иранскиот министер за надворешни работи, Мухамед Џевад Зариф, истакна дека Иран не сака да има конфликт со Велика Британија, но ќе го заштити Персискиот Залив, пренесува Anadolu Agency (AA).

Зариф, во пораката споделена преку Твитер, напиша дека му честита на новиот премиер на Велика Британија, Борис Џонсон. Меѓу Иран и Велика Британија во последните недели постои криза поради запленувањето на ирански танкер.

Во својата порака, Зариф тврди дека претходната влада, предводена од Тереза ​​Меј, го запленила иранскиот танкер за нафта „по нарачка на САД“ и дека се работи за очигледна „пиратерија“.

„Му честитам на мојот поранешен колега, сега премиер на Велика Британија, Борис Џонсон. Иран не сака конфликт, но имаме крајбрежна линија во Персискиот Залив, долга 1.500 милји. Тоа е наша копнена вода и ќе ја заштитиме“, рече Зариф.

- Танкерска криза меѓу Иран и Велика Британија

Гибралтарската автономна администрација поврзана со Британија, на 4 јули заплени ирански танкер поради кршење на ембаргата против Сирија.

Иранските власти побараа да се ослободи танкерот „Грејс 1“, инаку ќе се одмаздат. На 19 јули Врховниот суд на Гибралтар го продолжи периодот на запленувањето на иранскиот танкер до 15 август.

Армијата на Иранската револуционерна гарда објави дека танкерот за нафта „Стена Имперо“ со британско знаме е запленет поради тоа што не се придржувал кон правилата на морскиот сообраќај кога поминувал низ Ормудскиот Теснец.

Техеран и Лондон меѓусебно се обвинуваат за „пиратство“.

Борис Џонсон, кој беше избран за лидер на Конзервативната партија во Британија, стана нов премиер на земјата.