Иран наводно им понудил мито на модераторите на Инстаграм за да избришат некои профили на новинари

АНКАРА (АА) - Модераторите на Инстаграм тврдат дека ирански разузнавачи им понудиле мито за да избришат некои профили на новинари и активисти, пренесува Агенција Анадолија (АА).

„Ми понудија од 5.000 до 10.000 евра за да избришам профил“, изјавил поранешен модератор на Инстаграм, пишува „Би-би-си“ (BBC).

Во тврдењата, исто така, се наведува дека се барало бришење на содржини поврзани со протестите во Иран.

- Започна истрага

Сопственикот на Инстаграм, „Мета“, и третата компанија контролор на содржините, „Телус интернешнл“, нагласија дека тврдењата не се точни.

Во соопштението на „Телус интернешнл“ се истакнува дека се верува дека тврдењата се лажни, но дека работата е сфатена сериозно и е покрената истрага.

Меѓу другото, се додава дека „компанијата нема никакви врски со иранската Влада и никогаш немала досега“.

Претставник на компанијата „Мета“ рече: „Не гледаме докази за поддршка на овие тврдења. Нашите тимови за контрола ја отстрануваат содржината што ги прекршува нашите упатства.“

​​​​​​​