Инстаграм ќе ја отстрани бројката на допаѓања во уште 5 земји
Според соопштението на Фејсбук, кој од 2012 година е сопственик на Инстаграм, овој пилот-проект, кој од мај се реализира во Канада, ќе се спроведува и во Ирска, Италија, Јапонија, Австралија и Бразил
САН ФРАНЦИСКО (AA) - Социјалната мрежа Инстраграм донесе одлука во уште пет земји да ја спроведе тест-апликацијата преку која се крие бројката што покажува на колку лица им се допаднала фотографијата на корисниците, пренесува Anadolu Agency (AA).
Според соопштението на Фејсбук, кој од 2012 година е сопственик на Инстаграм, овој пилот-проект, кој од мај се реализира во Канада, ќе се спроведува и во Ирска, Италија, Јапонија, Австралија и Бразил.
Во ова соопштение не се вклучени информации околу заклучоците добиени од тестирањето во Канада, а спроведувањето на тест-верзијата на оваа апликација и во другите земји предизвика коментари дека Инстаграм целосно ќе ја отстрани бројката на допаѓања.
Корисниците на оваа тест-верзија можат да видат на колку луѓе им се допаднала нивната фотографија, но не и другите корисници.
Од друга страна, во оваа тест-верзија бројката на следбеници не се наоѓа под фотографијата на профилот, како што е во постоечката верзија, туку се наоѓа во посебен дел кој вклучува статистики.