ИСТАНБУЛ (АА) - Израелските воени сили денес извршија нов упад во северните рурални делови на Кунејтра во јужна Сирија, што претставува најново кршење на суверенитетот на земјата, јавува Анадолу.

Израелските сили со пет воени возила напредуваа кон селото Ал-Самаданија ал-Шаркија пред да се движат во правец на Тал Крум Џаба, објави Сириската арапска новинска агенција (САНА).

Нападот се случи по еден ден откако израелските трупи навлегоа во областа помеѓу градот Џубата ал-Хашаб и селата Офанија и Аин ал-Бајда во северниот дел на земјата во неделата.

Израелската Армија и сириските власти не дадоа коментар за извештајот.

Израелските упади во Кунејтра неодамна се интензивираа, при што локалното население се жали на напредувањето во нивното обработливо земјиште, како и на уништувањето на стотици хектари шуми, апсењата на жителите и воспоставувањето воени контролни пунктови.

Израелската Армија изврши над 1.000 воздушни напади врз Сирија и повеќе од 400 прекугранични напади во јужните провинции од декември 2024 година, според владини податоци.

По падот на режимот на Башар ал-Асад кон крајот на 2024 година, Израел ја прошири својата окупација на сириските Голански Висорамнини со заземање на демилитаризираната тампон-зона, потег со кој беше прекршен Договорот за раздвојување со Сирија од 1974 година.