Израелските сили застрелаа палестински тинејџер на Западниот Брег

РАМАЛА (АА) - Израелските сили вчера застрелале палестински тинејџер на окупираниот Западен Брег, објави новинската агенција Вафа, повикувајќи се на палестинското Министерство за здравство, пренесува Агенција Анадолија (АА).

Министерството наведува дека 15-годишниот Заид Мухамад Гунеим бил застрелан во грбот и вратот во селото Ал-Кадер, во близина на градот Витлеем. Тој итно бил пренесен во болница во критична состојба, но им подлегнал на повредите.

Палестинскиот премиер Мухамад Иштије и Министерството за надворешни работи го осудија убиството.