Израелската армија изврши рации во градовите низ Западниот Брег и приведе повеќе Палестинци

РАМАЛА (АА) - Израелската армија денес изврши рации низ градовите и места во окупираниот Западен Брег, приведувајќи Палестинци и уништувајќи имот, јавува Анадолу.

Очевидци за Анадолу изјавија дека армијата упаднала во градовите Кабатија, Џабад, Марка и Бир ал-Баша во Џенин и тоа довело до вооружени судири со палестинските борци.

Армијата уништи имоти и домови за време на рацијата на Кабатија, а се слушаа звуци од истрели и експлозии во различни делови на градот, рекоа очевидците.

Тие, исто така, истакнаа дека армијата пред да се повлече разнела возило и привела неколку Палестинци од градовите.

Израелската армија изврши рација во неколку градови, вклучително и Џамаин, каде што претресуваа домови и продавници, приведоа тројца Палестинци и ги испрашува на самото место, по што ги ослободиле, велат очевидци.

Армијата, исто така, пред повлекувањето спроведе рации во градовите во гувернатите на Калкилија, Витлеем, Хеброн и Рамала.

Засега од официјални извори или од организации што се занимаваат со прашања на затвореници не е издадено официјално соопштение за бројот на приведени.

Тензиите низ окупираниот Западен Брег се зголемија откако Израел започна смртоносна воена офанзива врз Појасот Газа, во која се убиени речиси 38.600 жртви од 7 октомври досега.

Според Министерството за здравство, оттогаш се убиени најмалку 574 Палестинци, меѓу кои најмалку 136 деца, а речиси 5.350 се повредени во оган на израелската армија на окупираната територија.

Израел е обвинет за геноцид пред Меѓународниот суд на правдата, со чија последна пресуда им се наложи на израелските власти веднаш да ја прекинат воената операција во јужниот град Рафа.