Израелската армија изврши нови воздушни напади врз Јужен Либан

ИСТАНБУЛ (АА) – Израелските воени авиони денес извршија бран воздушни напади врз Јужен Либан, што е најново кршење на минатогодишниот договор за прекин на огнот, јавува Анадолу.

Во соопштението на војската се вели дека нападите биле насочени кон она што армијата тврди дека се воени цели на Хезболах во Јужен Либан.

Нападите се случија кратко откако армијата им нареди на жителите на градовите Меис ал-Џабал, Кфар Тибнит и Дебин во Набатија да ги напуштат своите домови.

Либанската државна новинска агенција ННА потврди дека Меис ал-Џабал бил гаѓан во воздушен напад, без да даде детали за жртви или материјална штета.