Израелска телевизија: Од Либан кон израелска страна лансирани најмалку 10 ракети

КУДС

Израелска телевизија соопшти дека од Либан кон израелската страна биле лансирани најмалку 10 ракети, пренесува Агенција Анадолија (АА).

Во соопштението на израелската војска се наведува дека огласени биле сирени во селото Еин Киније и во населената зона Снир кои се наоѓаат на окупираната Голанска Висорамнина.

Во соопштението не се дадени информации за бројот на лансирани ракети кон ова подрачје, како и за тоа дали има жртви или материјална штета.

Од друга страна, во веста на израелската телевизија „Канал 13“ се наведува дека од Либан кон израелската страна биле лансирани најмалку 10 ракети, и дека се огласени сирените на Голанската Висорамнина.

Инаку, на 4 август од Либан кон израелската страна беа лансирани 3 ракети, додека израелската војска како одговор против лансираните ракети, со артилериски гаѓања и воздушни бомбардирања погоди некои подрачја во Либан.